www.people.ge
სარეკლამო ადგილი - 2
475 x 100
სარეკლამო ადგილი - 3
475 x 100
14:11 20.02.2013
საპარლამენტო უმრავლესობა და უმცირესობა "დევნის კამპანიის შეჩერებაზე" ვერ შეთანხმდნენ
საპარლამენტო უმრავლესობა და უმცირესობა "დევნის კამპანიის შეჩერებაზე" ვერ შეთანხმდნენ. როგორც საპარლამენტო უმცირესობის ლიდერმა, დავით ბაქრაძემ განაცხადა, მოლაპარაკებების პროცესში რამდენიმე მნიშვნელოვანი დეტალი გამოიკვეთა.

მისი თქმით, სახელმწიფო-პოლიტიკური თანამდებობის პირებისა და ლიდერების დონეზე იმუნიტეტს არავინ ითხოვს, თუმცა "ნაციონალურ მოძრაობასთან" რაიმე ფორმით დაკავშირებული პირების დაკითხვებზე ტარება უნდა შეწყდეს. 

"დამნაშავეა დათო ბაქრაძე? გამოიძიონ და დასაჯონ. დამნაშავეა გიგი უგულავა? მიხეილ სააკაშვილი?! საკუთარი თავისთვის იმუნიტეტს არავინ ითხოვს, მაგრამ თავი დაანებეთ იმ ათასობით ადამიანს, რომლებიც ყოველდღე დადიან დაკითხვებზე მხოლოდ იმიტომ, რომ რაიმე ფორმით კავშირი აქვთ "ნაციონალურ მოძრაობასთან". 6 000 ადამიანი დაიკითხა მერიაში, რომ როგორმე გიგი უგულავას ბრალი წაუყენონ. პოლიტიკური ხელმძღვანელობა მზად არის, პასუხი აგოს ნებისმიერ არსებულ თუ დაბრალებულ დანაშაულზე", - განაცხადა ბაქრაძემ.

მისივე ინფორმაციით, საპარლამენტო უმრავლესობის შეთავზებით, დევნა უნდა შეწყდეს სამინისტროებში სამმართველოების უფროსების მოადგილის ქვემოთ, რაც არარაციონალურია, რადგ ან მათ ქვემოთ უკვე ტექნიკური პერსონალია. 

"მათი ვარიანტით, ნებისმიერი ადამიანი, რომელიც სამმართველოს უფროსიც კი არის, უნდა დარჩეს დევნის ობიექტი, რაც ჩვენთვის მიუღებელია. ქვეყანას სჭირდება სამოქალაქო მშვიდობა და თანხმობა და თუ ამას სჭირდება ლიდერების დასჯა, მზად ვართ, თუმცა ყველა დანარჩენს თავი დაანებონ. ჩვენ მზად ვართ, გავაგრძელოთ მოლაპარაკება მაქსიმალურად კონსტრუქციულად. იმედია, დიალოგი გაგრძელდება და ჩვენ შევეცდებით, ვიყოთ შედეგზე და გონივრულ კომპრომისზე ორიენტირებული", - აღნიშნა ბაქრაძემ.

მხარეები თანხმდებიან კონსტიტუციის გარკვეული ნაწილის ვადამდე ამოქმედებასა და საგარეო-პოლიტიკური პრიორიტეტების კონსტიტუციაში ჩაწერაზე.

თუმცა, "პოლიტიკური დევნისა და ზეწოლის" შეჩერების გარეშე პოლიტიკური კლიმატის ნორმალიზაცია საპარლამენტო უმცირესობას წარმოუდგენლად მიაჩნია.

"თუ ვსაუბრობთ კოჰაბიტაციაზე, თუ ვთანხმდებით საკონსტიტუციო მოდელზე, ეს ვერ მოხდება, როცა ამ წუთისთვის 15 000-მდე ადამიანი დაკითხულია მხოლოდ იმიტომ, რომ რაიმე ფორმით უკავშირდებიან "ნაციონალურ მოძრაობას". ამ შემთხვევაში არ ვსაუბრობ გახმაურებულ საქმეებზე. თუ ჩვენ ვსაუბრობთ ნორმალურ ცხოვრებასა და ურთიერთობაზე, ამ პროცესის გარეშე ეს შეუძლებელია. შეჩერდეს პოლიტიკურად მოტივირებული დევნა, რაც არის ქვეყნისთვის მნიშვნელოვანი საკითხი. უნდა იყოს სამოქალაქო მშვიდობა და თანხმობა, არ მოხდეს "ნაციონალური მოძრაობის", როგორც პოლიტიკური ძალის განადგურება და ვიაროთ შერიგების და არა დაპირისპირების გაღრმავების გზით", - აღნიშნა დავით ბაქრაძემ. 

საქართველოს პარლამენტის თავმჯდომარემ, დავით უსუფაშვილმა დღეს გააკეთა განცხადება, რომ საკონსტიტუციო ცვლილებებთან დაკავშირებით მმართველ გუნდსა და "ერთიან ნაციონალურ მოძრაობას" შორის მოლაპარაკებებში შედეგი ვერ იქნა მიღწეული.

როგორც დავით უსუფაშვილმა აღნიშნა, რამდენიმე დღის ინტენსიური მუშაობის შემდეგ ოპოზიციასთან მიღწეულ იქნა შეთანხმება კონსტიტუციური ცვლილებების ყველა საკითხზე, მაგრამ ამ შეთანხმების რეალიზაციაზე ”ნაციონალურმა მოძრაობამ” უარი განაცხადა ბოლო მომენტში წამოჭრილ სხვა საკითხზე - საჯარო მოხელეთა ამნისტიის ფორმასა და შინაარსზე შეთანხმების ვერმიღწევის გამო.

ipn

სარეკლამო ადგილი - 24
630 x 250
კომენტარები:
დაამატე კომენტარი (მაქსიმუმ 2000 სიმბოლო)

სახელი (მაქს. 20 სიმბოლო)

ელ–ფოსტა (არ გამოქვეყნდება)




გამოკითხვა
ეთანხმებით თუ არა პრეზიდენტის არჩევის წესის ცვლილებას?
შედეგი
ხმის მიცემა
სიახლეები
წაიკითხა გაიზიარა კითხულობენ
ისინი დაბრუნდნენ (ვიდეო)
ოჯახი თავლაში, რომელიც პურით და ხახვით იკვებება (ვიდეო)
მეჩითოვი: ქართველებმა ყოველ დღე უნდა დალიონ რუსეთის სადღეგრძელო (ვიდეო)
პირველი განხეთქილება ივანიშვილის ხელისუფლებაში - კალაძე მიდის...
რასმუსენი ივანიშვილის მთავრობის მიერ პოლიტიკური ოპონენტების დაპატიმრებას აპროტესტებს
საგანგებო განცხადება მართვის მოწმობის აღებასთან დაკავშირებით
დაუბეგრავი მინიმუმის დაბრუნება 1 აპრილიდან დაიწყება
სექტემბერი 2019
სექტემბერი 2019
სექტემბერი 2019
ორშსამშოთხხუთპარშაბკვ
2627282930311
2345678
9101112131415
16171819202122
23242526272829
30123456
ვალუტა ამინდი
USD2.9738
EUR3.2902
GBP3.7027
RUB4.6406
თბილისი 16°-26°
ქუთაისი 16°-30°
ბათუმი 17°-24°
მთავარი
2015-06-10
visitor 15 878
visit 17 972
page 34 349
2015-06-11
  3 736
  3 867
  7 201
  რეკლამა საიტზე
ტელ.: 599 877-901
555 728-962
[email protected] Information Technologies
www.people.geCopyright © Presa.ge, 2012, Tbilisi, Georgia