www.people.ge
სარეკლამო ადგილი - 2
475 x 100
სარეკლამო ადგილი - 3
475 x 100
00:11 22.07.2014
"სულ ვფიქრობდი, რომ პატარა გაფრინდებოდა უფლისკენ" - შემზარავი ტრაგედია რიკოთზე
კვირის პალიტრა
"ბოლო დროს თაკოს ხშირად ვნახულობდი და ძალიან უცნაურია, მაგრამ სულ მქონდა განცდა, რომ ეს ბავშვი არაამქვეყნიური იყო"

"თაკო, შვილო, ვერ ვამშვიდებ მარიამს, ნუგეშიც აღიზიანებს. გამორჩეული მეგობრები იყავით. მოთქვამს, როგორ გავძლო თაკოს გარეშეო. სანამ მოგასვენებდნენ, შენი მშობლების სახლს გამოვარიდე, იქნებ ოდნავ მაინც დამშვიდდეს-მეთქი... გერგეთის სამებაში ვიყავით. მითხრა, მამა, ასე არასდროს მომნდომებია ტაძარში შესვლა და ლოცვაო. გზად თქვენი გეგმების შესახებ მომიყვა. თურმე, რამდენი გიფიქრიათ... ახლა მხოლოდ იმასღა გეგმავს, როგორ მორთოს შენი საფლავი ყვავილებით. ტაძრის გარშემო უამრავი ყვავილია, მაგრამ შენსავით ლამაზი - არც ერთი... როდემდე დავრჩე აქ, მაინც ხომ გნახავს კუბოში. მერე არ ვიცი, რა იქნება. რომელი ვიტირო - შენი დალეწილი სხეული თუ ჩემი შვილის უბედურება? სახეზე არაფერი ეტყობა, მხოლოდ საფეთქელთან აქვს ნაკაწრიო. ასე "უბრალოდ" გაუჩინარდი. მარიამი პირველ სექტემბერს, ალბათ, ჯერ შენს საფლავზე მივა და მერე წავა სკოლაში..." სოციალურ ქსელში ასე გამოეხმაურა დეკანოზი პეტრე კვარაცხელია ქალიშვილის - მარიამის მეგობრისა და თავისი სულიერი შვილის, თაკო ფერაძის დაღუპვას.

ტრაგიკულმა შემთხვევამ 13 წლის გოგონას სიცოცხლე იმსხვერპლა. რიკოთზე სატვირთო ავტომობილი, რომელსაც თურქი მძღოლი მართავდა, საპირისპირო მხრიდან მომავალ ავტობუსს შეეჯახა და გადააბრუნა. ავტობუსში ბულგარეთში გასტროლებზე მიმავალი ხალხური სიმღერის ანსამბლის წევრები - 35 ბავშვი და მათი პედაგოგი ქალბატონი ისხდნენ. 10 მათგანი მსუბუქად დაშავდა.

მამა პეტრე (კვარაცხელია), თაკო ფერაძის მოძღვარი: - თაკო ჩემი სულიერი შვილი იყო. ბავშვობიდან ვიცნობდი, ჩემს შვილს - მარიამს პირველი კლასიდან დაუმეგობრდა. ექვსი შვილი გვყავს და სულ გვინდოდა, თაკოც ჩვენთან ყოფილიყო. მეექვსე შვილის ნათლია, მარიამის სურვილით, თაკო გახდა. თაკოს თვალებში რომ ჩავხედავდი, ჩემთვის ყველაფერი გასაგები იყო. მასთან ერთად მიადვილდებოდა ბავშვებთან ურთიერთობა და იმ პრობლემებთან გამკლავება, რაც თინეიჯერობის ასაკს მოჰყვება. ბოლო დროს თაკოს ხშირად ვნახულობდი და ძალიან უცნაურია, მაგრამ სულ მქონდა განცდა, რომ ეს ბავშვი არაამქვეყნიური იყო.

მუდმივად იღიმოდა, გაბრაზებული არასდროს მინახავს, ყოველთვის მადლიერი და ბედნიერი იყო. გამორჩეულად მეგობრობდნენ თაკო, თათია და ჩემი მარიამი. შეიძლებოდა ერთნაირადაც ჩაეცვათ, ერთნაირი ვარცხნილობა გაეკეთებინათ. ჩვენთან როცა მოდიოდნენ, მეზობლები ამბობდნენ, ვერ ვარჩევთ, რომელი რომელიაო.

თაკო მოსკოვის გამზირზე ცხოვრობდა, მაგრამ ვარკეთილში დადიოდა კერძო სკოლაში. ჩემი შვილი ცეკვაზე დადიოდა ანსამბლ "ბასიანში". თაკომ და მარიამმა მოისურვეს, იქაც ერთად ევლოთ. ძალიან ხალისიანი იყო, პედაგოგმა კისკისა შეარქვა... 

თაკო იმ ასაკში გარდაიცვალა, როდესაც ადამიანის ცნობიერებაში ტკივილიც და სიხარულიც ღრმა კვალს ტოვებს. ტრაგედიიდან მესამე დილით, სახლიდან რომ გამოვდიოდი, ჩემმა მარიამმა მკითხა - მამიკო, თაკოსთვის როგორი კაბა შევარჩიოო. დილიდან დადიოდა მაღაზიებში, რომ უკანასკნელი საჩუქარი მიეტანა მეგობრისთვის.

გასტროლებზე გამგზავრების დილას თაკო დედას წაუყვანია, მობილური უყიდია. 

როდესაც ავტობუსში ჯდებოდა, დედისთვის უთქვამს, დე, ისე არ მინდა წასვლაო... დედამისს გაჰკვირვებია. არა, დე, განა ბულგარეთში არ მინდა, უბრალოდ, ამ ავტობუსით არ მინდა წასვლაო. 

რაღაც წინათგრძნობა ჰქონდა ბავშვს. როცა შევიტყვეთ, რომ რიკოთზე ავტობუსი გადაბრუნდა, ჩემზე ძალიან იმოქმედა და მაშინვე ის ვიფიქრე, თაკო ხომ არ მოხვდა ავარიაში-მეთქი. სულ ვფიქრობდი, რომ პატარა გაფრინდებოდა უფლისკენ. მინდა, ჩემი დიდი გულისტკივილი გადმოგცეთ და ყველას გასაგონად ვთქვა - 

იქნებ ვინმემ შეაჩეროს უღელტეხილებზე ტრაილერების უღმერთო პარპაში, რადგან ბევრი ადამიანი ემსხვერპლა მათი მძღოლების დაუდევრობას. 

არ ვიცი, როგორ გამოვლენ მდგომარეობიდან მისი ოჯახი და მისი მეგობრები. ჩემი შვილისთვის ეს არის უდიდესი ტრაგედია, ვერ ვაწყნარებ ბავშვს, კუბოზეა გადამხობილი. არ ვიცი, როგორ გადაიტანს მის დაკარგვას. როგორც ბავშვები ჰყვებიან, ტრაილერი, რომელსაც თურქი მძღოლი მართავდა, საპირისპირო ხაზზე იყო გადმოსული, რაც გვიან შეამჩნია მიკროავტობუსის მძღოლმა და დამუხრუჭება ვერ მოახერხა. თაკო ავტობუსის უკანა სავარძელზე მჯდარა და ავარიის დროს ფანჯრისთვის საფეთქელი მიურტყამს... 

თაკო ოჯახში ერთადერთი შვილი იყო. დედა მძიმე ავადმყოფი ჰყავს, სულ მკურნალობს და სიცოცხლე მხოლოდ თაკოთი უხაროდა... 

სარეკლამო ადგილი - 24
630 x 250
კომენტარები:
დაამატე კომენტარი (მაქსიმუმ 2000 სიმბოლო)

სახელი (მაქს. 20 სიმბოლო)

ელ–ფოსტა (არ გამოქვეყნდება)




გამოკითხვა
ეთანხმებით თუ არა პრეზიდენტის არჩევის წესის ცვლილებას?
შედეგი
ხმის მიცემა
სიახლეები
წაიკითხა გაიზიარა კითხულობენ
ისინი დაბრუნდნენ (ვიდეო)
ოჯახი თავლაში, რომელიც პურით და ხახვით იკვებება (ვიდეო)
მეჩითოვი: ქართველებმა ყოველ დღე უნდა დალიონ რუსეთის სადღეგრძელო (ვიდეო)
პირველი განხეთქილება ივანიშვილის ხელისუფლებაში - კალაძე მიდის...
რასმუსენი ივანიშვილის მთავრობის მიერ პოლიტიკური ოპონენტების დაპატიმრებას აპროტესტებს
საგანგებო განცხადება მართვის მოწმობის აღებასთან დაკავშირებით
დაუბეგრავი მინიმუმის დაბრუნება 1 აპრილიდან დაიწყება
ოქტომბერი 2019
ოქტომბერი 2019
ოქტომბერი 2019
ორშსამშოთხხუთპარშაბკვ
30123456
78910111213
14151617181920
21222324252627
28293031123
ვალუტა ამინდი
USD2.9701
EUR3.2725
GBP3.7631
RUB4.6078
თბილისი 10°-25°
ქუთაისი 15°-27°
ბათუმი 17°-23°
მთავარი
2015-06-10
visitor 15 878
visit 17 972
page 34 349
2015-06-11
  3 736
  3 867
  7 201
  რეკლამა საიტზე
ტელ.: 599 877-901
555 728-962
[email protected] Information Technologies
www.people.geCopyright © Presa.ge, 2012, Tbilisi, Georgia