www.people.ge
სარეკლამო ადგილი - 2
475 x 100
სარეკლამო ადგილი - 3
475 x 100
15:08 10.08.2015
გიორგი კაპანაძე: ომს, რომელიც ხელისუფლებამ დამოუკიდებელი ტელეკომპანიის წინააღმდეგ წამოიწყო, მედია მოიგებს

"ჯეო ინტერნეტ მედია ჯგუფისა" და „მედია ჰოლდინგ დრონი.ჯი“-ს მფლობელი,  მედია-მენეჯერი გიორგი კაპანაძე, „რუსთავი 2“-ის ირგვლივ შექმნილ მდგომარეობას „პრესა.ჯი“-სთან აფასებს. 

მისი თქმით, ომს, რომელიც ხელისუფლებამ დამოუკიდებელი ტელეკომპანიის წინააღმდეგ წამოიწყო, მედია მოიგებს...

- ქიბარ ხალვაში „რუსთავი 2“-ზე პრეტენზიას აცხადებს, ტელეკომპანიის ქონება დაყადაღებულია, როგორ ფიქრობთ, დგას თუ არა, ხელისუფლება ბიზნესმენის უკან?

გიორგი კაპანაძე: ერთმნიშვნელოვნად შემიძლია განვაცხადო რომ ბატონი ხალვაშის სახით, ხელისუფლება დამოუკიდებელი და ყველაზე რეიტინგული ტელევიზიის კანონიერი მფლობელებისათვის წართმევას ცდილობს.

რა თქმა უნდა, მის უკან დგას ხელისუფლება. ხალვაშისა და მისი მფარველების მიზანი, ერთი მხრივ, „რუსთავი 2“ -ის ხელში ჩადგებაა, მეორე მხრივ კი, იმ კრიტიკული აზრის ჩახშობა, რომელიც ტელე-ეთერიდან ხელისუფლების მისამართით ისმის.

თუმცა, დარწმუნებული ვარ, რომ ომს, რომელიც ხელისუფლებამ დამოუკიდებელი ტელეკომპანიის წინააღმდეგ წამოიწყო, მედია მოიგებს. ასე იყო, ასე არის და ასე იქნება...

- ხელისუფლების მომხრეები, „რუსთავი 2“-ის მხარდამჭერებს, სააკაშვილის დროს ტელეკომპანია „იმედის“ მიმართ განხორციელებულ  ძალადობას ახსენებენ...

- „იმედის“ მიმართ განხორციელებული მოვლენები წინა ხელისუფლების ყველაზე დიდი და მძიმე შეცდომა იყო. სწორედ ამიტომ, პრეზიდენტმა სააკაშვილმა, ამ შეცდომის გამო, მაქსიმალური პოლიტიკური ფასი გადაიხადა - გადადგა დაკავებული თანამდებობიდან.

მიუხედავად იმისა რომ „იმედის“ შემთხვევაში, პოლიტიკური კონიუნქტურა აბსოლუტურად სხვაგვარი გახლდათ.

- როგორ ფიქრობთ, სადამდე შეიძლება მივიდეს „რუსთავი 2“-ის წინააღმდეგ დაწყებული კამპანია?

- „რუსთავი 2“-ის წინააღმდეგ დაწყებული კამპანია  არის პოლიტიკური პროცესი და მას არანაირი კავშირი არ აქვს ე.წ. სამართლიანობის აღდგენასთან და კერძო პირებს შორის სამართლებრივი ურთიერთობების გარკვევასთან.

ტელეკომპანიის მუშაობას უკვე შეექმნა საფრთხე. ხალვაშის მოთხოვნით, „რუსთავი 2“-ის ქონება დაჩქარებული წესით დააყადაღეს. ტელეკომპანიის წინააღმდეგ პოლიტიკური პროცესი დაიწყეს ახლა, შუა აგვისტოში, როცა  საქართველო თითქმის დაცლილია უცხოელი დიპლომატებისგან... მათი უმრავლესობა შვებულებაშია.

თქვენ მკითხეთ, თუ სადამდე შეიძლება მივიდეს დამოუკიდებელი მედიის წინააღმდეგ გამოცხადებული ომი.

მე გპასუხობთ - სრულიად შესაძლებელია რომ ხელისუფლების მიერ მართულმა მოვლენებმა, რომელიც მიზნად ისახავს ყველაზე რეიტინგული და სანდო არხის დაქვემდებარებას, სამოქალაქო მღელვარებამდე მიგვიყვანოს.

პირადად ჩემთვის, „რუსთავი 2“ არ არის რომელიმე კონკრეტულ პირთან ასოცირებული. ის, პირველ რიგში, დასავლური ღირებულებები და სიტყვისა და გამოხატვის თავისუფლებაა.

- თუმცა, ხელისუფლების პირველი პირები სხვაგვარად ფიქრობენ. მათი აზრით, ტელეკომპანია პროპაგანდითაა დაკავებული...

- ყველა ადამიანს, მათ შორის მედია-მფლობელს აქვს სიტყვისა და გამოხატვის უფლება. ცხადია, „რუსთავი 2“ არ მალავდა თავის, შედარებით ლოიალურ დამოკიდებულებას წინა ხელისუფლების მიმართ, რადგან იქ მომუშავე ადამიანები, პროდასავლური ღირებულებების თვალსაზრისით, უფრო ახლოს იყვნენ მათთან, ვიდრე მაგალითად, პრორუსულ პოლიტიკურ პარტიებთან.

ამჯერად ტელეკომპანია „იმედი“ არ მალავს თავის ლოიალურ დამოკიდებულებას არსებული ხელისუფლების მიმართ, რადგან როგორც ჩანს, „იმედის“ ხელმძღვანელები მენტალურად უფრო ახლოს დგანან მმართველ გუნდთან...

თუმცა, რომელიმე არხის მიერ კრიტიკული თუ ლოიალური პოზიციის დაფიქსირებაში არ არის ტრაგედია. ტრაგედია, ამა თუ იმ არხის მკვეთრად გამოხატული პოზიციის ჩახშობის მცდელობაშია.

სწორედ კერძო ტელეკომპანიის ხელისუფლებისადმი დამოკიდებულების კორექტირებას ცდილობს ხელისუფლება დღეს, ხალვაშის, „რიჟასა“ და სხვების სახით, რაც გამორიცხული არ არის რომ ბევრად მძიმე და საბედისწერო მოვლენებში გადაიზარდოს. 

სარეკლამო ადგილი - 24
630 x 250
კომენტარები:
დაამატე კომენტარი (მაქსიმუმ 2000 სიმბოლო)

სახელი (მაქს. 20 სიმბოლო)

ელ–ფოსტა (არ გამოქვეყნდება)




გამოკითხვა
ეთანხმებით თუ არა პრეზიდენტის არჩევის წესის ცვლილებას?
შედეგი
ხმის მიცემა
სიახლეები
წაიკითხა გაიზიარა კითხულობენ
ისინი დაბრუნდნენ (ვიდეო)
ოჯახი თავლაში, რომელიც პურით და ხახვით იკვებება (ვიდეო)
მეჩითოვი: ქართველებმა ყოველ დღე უნდა დალიონ რუსეთის სადღეგრძელო (ვიდეო)
პირველი განხეთქილება ივანიშვილის ხელისუფლებაში - კალაძე მიდის...
რასმუსენი ივანიშვილის მთავრობის მიერ პოლიტიკური ოპონენტების დაპატიმრებას აპროტესტებს
საგანგებო განცხადება მართვის მოწმობის აღებასთან დაკავშირებით
დაუბეგრავი მინიმუმის დაბრუნება 1 აპრილიდან დაიწყება
აპრილი 2019
აპრილი 2019
აპრილი 2019
ორშსამშოთხხუთპარშაბკვ
1234567
891011121314
15161718192021
22232425262728
293012345
ვალუტა ამინდი
USD2.6975
EUR3.0347
GBP3.5041
RUB4.2277
თბილისი 3°-13°
ქუთაისი 6°-12°
ბათუმი 8°-8°
მთავარი
2015-06-10
visitor 15 878
visit 17 972
page 34 349
2015-06-11
  3 736
  3 867
  7 201
  რეკლამა საიტზე
ტელ.: 599 877-901
555 728-962
[email protected] Information Technologies
www.people.geCopyright © Presa.ge, 2012, Tbilisi, Georgia